கச்சத்தீவை மீட்கும் திட்டத்தில் இறங்கியதா BJP ?

கச்சத்தீவு விவகாரம்: தாவேக-விஜய் vs பாஜக-அண்ணாமலை – அரசியல் சூடு பிடிக்கும் விவாதம்

மதுரை: தமிழ்நாட்டில் மீனவர்கள் எதிர்கொள்ளும் பிரச்சனைகளை முன்னிறுத்தி, கச்சத்தீவு விவகாரம் மீண்டும் அரசியல் அரங்கில் சூடேற்றியுள்ளது. தாவேகக் கட்சியின் இரண்டாவது மாநாட்டில், அந்தக் கட்சியின் தலைவர் விஜய், “தமிழ்நாட்டு மீனவர்கள் இலங்கை கடற்படையால் அதிகமாக பாதிக்கப்படுகிறார்கள். இதற்கு ஒரே தீர்வு கச்சத்தீவை மீட்டு வழங்குவதே” என்று வலியுறுத்தினார்.

அவரது இந்த கருத்துக்கு பதிலடியாக பாஜக மாநிலத் தலைவர் அண்ணாமலை, “விஜய் மீனவர்களின் கதையை படங்களில் பேசினாலும், கச்சத்தீவு பற்றி பேச ஆரம்பித்தது பிரதமர் மோடி தான். மோடி ஆட்சிக்கு வந்த பிறகு மீனவர்களை சுட்டுக் கொல்லும் சம்பவங்கள் குறைந்துள்ளன. கைது எண்ணிக்கையும் குறைந்துள்ளது. அதை விஜய் கவனிக்கவே இல்லை” என்று சாடினார்.

கச்சத்தீவு ஒப்பந்த வரலாறு

கச்சத்தீவு இந்தியாவிலிருந்து இலங்கைக்கு செல்ல காரணம், முன்னாள் பிரதமர் இந்திரா காந்தி 1974 மற்றும் 1976-ல் கையெழுத்திட்ட இருநாட்டு ஒப்பந்தங்கள்தான். இதனுடன், சர்வதேச கடல்சார் எல்லை (IMBL) வரையறை செய்யப்பட்டதும் முக்கிய காரணமாகும்.

இலங்கை உள்நாட்டு போர் (1983-2009) காலத்தில் தமிழ்நாட்டு மீனவர்கள் அதிகளவில் கைது செய்யப்பட்டு, சிலர் சுட்டுக் கொல்லப்பட்ட சம்பவங்கள் அதிகரித்தன. கச்சத்தீவு மீன்பிடி வளமான பகுதியாக இருப்பதால், இப்பிரச்சனைகள் இன்னும் தொடர்கின்றன.

இலங்கை வெளியுறவுத்துறை அமைச்சர் பதிலடி

விஜயின் உரைக்கு இலங்கை வெளியுறவுத்துறை அமைச்சர் விஜித ஹைராத் பதிலளித்துள்ளார். அவர் கூறியதாவது:
“தென்னிந்தியாவில் தேர்தல் வரும்போது வேட்பாளர்கள் வாக்குகளை கேட்க பல விஷயங்களை பேசுவார்கள். இது புதியது அல்ல. இந்திய அரசாங்கம் கச்சத்தீவு பற்றிய எதுவும் உத்தியோகபூர்வமாக எங்களிடம் சொல்லவில்லை. இந்தியா சொன்னால்தான் அதை கவனிப்போம். எதுவாக இருந்தாலும், கச்சத்தீவை இந்தியாவுக்கு மீண்டும் ஒப்படைக்க எங்களால் முடியாது” என்றார்.

அரசியல் சூடேற்றும் பிரச்சனை

தமிழகத்தில் நடைபெறவுள்ள தேர்தலை முன்னிட்டு, கச்சத்தீவு விவகாரம் மீண்டும் அரசியல் வாதப் பொருளாக மாறியுள்ளது. விஜய் மற்றும் அண்ணாமலை பரிமாறிக் கொள்ளும் குற்றச்சாட்டுகள், இலங்கை அமைச்சரின் மறுப்புரையுடன் இணைந்து, இப்பிரச்சனையை அடுத்த கட்டத்திற்கு தள்ளியுள்ளது.

தமிழக மீனவர்களின் பிரச்சனைக்கு காரணம் ‘பாட்டம் டிராவலிங்’?

சென்னை:
தமிழக மீனவர்கள் ஏன் அடிக்கடி இலங்கை கடற்பரப்புக்குள் சென்று மீன் பிடிக்கிறார்கள் என்ற கேள்வி தொடர்ந்து எழுந்துகொண்டே இருக்கிறது. இதற்கான முக்கிய காரணங்களில் ஒன்று “பாட்டம் டிராவலிங்” எனப்படும் மீன்பிடி முறை தான் என நிபுணர்கள் கூறுகின்றனர்.

பாட்டம் டிராவலிங் என்றால் என்ன?

கடலில் செல்லும் கப்பல்களிலிருந்து ஒரு நீளமான வலை வீசப்படுகிறது. அந்த வலை கடலடித்தளத்தையே உரசி செல்லும் வகையில் இருக்கும். இதன் மூலம் சிறு, பெரிய என எல்லா வகை மீன்களும் அதில் சிக்கி விடுகின்றன. ஆனால் இதனால் மீன்கள் மட்டுமல்லாமல், கடலடித்தளத்தில் இருக்கும் பாசி, பவளப்பாறைகள், கடல் உயிரியல் அமைப்புகளும் கடுமையாக சேதமடைகின்றன.

பல நாடுகளில் தடை

சுற்றுச்சூழலுக்கும், மீன்களின் இனவளர்ச்சிக்கும் ஆபத்தாக இருப்பதால் பல நாடுகள் பாட்டம் டிராவலிங்கிற்கு தடை விதித்துள்ளன. இலங்கையும் இதற்கான தடைச் சட்டத்தை அமல்படுத்தி வருகிறது. ஆனால், இந்தியாவில் இதுவரை முழுமையான தடை விதிக்கப்படவில்லை.

பிரச்சனையில் சிக்கிய மீனவர்கள்

இந்தியாவில் சில பெரிய முதலீட்டாளர்கள் பாட்டம் டிராவலிங் கப்பல்களை இயக்குகின்றனர். விலை உயர்ந்த இந்த வலைகளை சாதாரண மீனவர்கள் வாங்க முடியாது. ஆனால், அந்த வலைகள் பயன்படுத்தப்படுவதால் கடலுக்குள் மீன் வளம் குறைந்து, சிறு அளவிலான பாரம்பரிய மீனவர்கள் வாழ்வாதார சிக்கலில் சிக்கியுள்ளனர். இதன் விளைவாகவே பலர் இலங்கை கடற்பரப்புக்குள் சென்று மீன் பிடிக்கின்றனர்.

இலங்கையின் கோரிக்கை – இந்தியாவின் பதில்

இலங்கை அரசு, இந்தியா பாட்டம் டிராவலிங்கிற்கு தடை விதிக்க வேண்டும் என்று பலமுறை கோரிக்கை விடுத்துள்ளது. ஆனால், அதற்கு நேரடி தடை விதிக்காமல், இந்திய அரசு “ஆழ்கடல் மீன்பிடித் திட்டம்” என்ற மாற்று முயற்சியை அறிவித்து வருகிறது.

இருநாடுகளுக்கிடையிலான இம்மீன்பிடி பிரச்சனைக்கு எப்போது தீர்வு கிடைக்கும் என்ற கேள்வி மீனவர்களிடையே எழுந்து வருகிறது.

கச்சத்தீவை மீட்கும் முயற்சி? – பாஜகவின் உள்கட்டமைப்பு திட்டம் என தகவல்

சென்னை:

கச்சத்தீவு குறித்து பல்வேறு அரசியல் கட்சிகள் தங்கள் கருத்துகளை வெளிப்படுத்தி வரும் நிலையில், பாஜக வட்டாரங்களின் மூலம் ஒரு அதிரடி தகவல் வெளியாகியுள்ளது.

காஷ்மீரில் ஆர்டிகல் 370 நீக்கப்பட்டபோது போலவே, திடீர் நடவடிக்கையால் கச்சத்தீவை மீட்டெடுக்கும் வாய்ப்பு இருப்பதாக கூறப்படுகிறது.

இந்நிலையில், கச்சத்தீவை இலங்கையிடம் இருந்து வாங்கும் முயற்சிகள் மேற்கொள்ளப்படலாம் எனவும், அதற்கான பரிமாற்றமாக நம்மிடம் உள்ள லக்ஷத்வீப் தீவுகளை இலங்கைக்கு வழங்கும் சூழ்நிலை உருவாகக்கூடும் என தகவல்கள் தெரிவிக்கின்றன.

இது தொடர்பாக அரசு தரப்பில் எந்தவிதமான அதிகாரப்பூர்வ அறிவிப்பும் வெளியாகவில்லை. ஆனால் இந்த தகவல் அரசியல் வட்டாரங்களில் பரபரப்பை ஏற்படுத்தியுள்ளது.