புதிய கிராஜுவிட்டி விதிகள் 2025 – நிரந்தரமும் ஒப்பந்த ஊழியர்களும் அறிந்திருக்க வேண்டிய மாற்றங்கள்

கிராஜுவிட்டி என்றால் என்ன?

கிராஜுவிட்டி என்பது நீண்ட காலம் ஒரு நிறுவனத்தில் பணியாற்றிய ஊழியர்களுக்கு வழங்கப்படும் நன்றிக்கடன் தொகை. 10-க்கும் மேற்பட்ட பணியாளர்கள் உள்ள நிறுவனங்களில் இது சட்டபூர்வமாக வழங்கப்பட வேண்டியது. பணியிலிருந்து வெளியேறும் போது, ஓய்வு பெறும்போது அல்லது உடல் நலக்குறைவு காரணமாக வேலை தொடர முடியாதபோது இந்த நலத்தொகை முக்கிய உதவியாகிறது.

புதிய தொழிலாளர் சட்டத்தில் ஏற்பட்ட மாற்றங்கள்

புதிய தொழிலாளர் சட்ட திருத்தங்களில் கிராஜுவிட்டி விதிகள் தொழிலாளர்களுக்கு அதிக பாதுகாப்பை வழங்கும் வகையில் மாற்றப்பட்டுள்ளன. குறிப்பாக Fixed-Term Employees எனப்படும் ஒப்பந்த அடிப்படையிலான ஊழியர்களுக்கு இது பெரும் நன்மையாகும்.

நிரந்தர ஊழியர்களுக்கு 5 ஆண்டு விதி தொடர்கிறது

நிரந்தர பணியாளர்களுக்கு 5 ஆண்டு தொடர்ந்து பணிபுரிந்தால் மட்டுமே கிராஜுவிட்டி வழங்கப்படும். பலர் நினைப்பது போல “ஒரு ஆண்டில் கிராஜுவிட்டி கிடைக்கும்” என்பது நிரந்தர ஊழியர்களுக்கு பொருந்தாது. பழைய விதி அப்படியே நீடிக்கிறது.

ஒப்பந்த ஊழியர்களுக்கு 1 ஆண்டு சேவை போதும்

புதிய சட்டத்தில் மிகப்பெரிய மாற்றமாக ஒப்பந்த ஊழியர்களுக்கு ஒரு ஆண்டு பணிசெய்தாலே கிராஜுவிட்டி வழங்கப்படும். இது குறுகிய கால ஒப்பந்தத்தில் பணிபுரிபவர்களுக்கு மிகப்பெரிய நன்மையைத் தருகிறது. அவர்கள் ஒப்பந்தம் முடிந்த பிறகும் தங்கள் சேவைக்கான நலத்தொகையை பெற முடியும்.

ஊதிய வரையறையில் முக்கிய மாற்றம்

சம்பளம் (Wages) என்ற சொற்க்கு புதிய வரையறை வழங்கப்பட்டுள்ளது.
கணக்கீட்டில் பின்வரும் கூறுகள் அடங்கும்:

• அடிப்படை ஊதியம்
• Dearness Allowance
• Retaining Allowance

மொத்த ஊதியத்தில் Allowances 50%-ஐத் தாண்டுமானால், அதற்கும் மேலான பகுதி சம்பளத்தில் சேர்க்கப்படும். இதனால் கிராஜுவிட்டி தொகை பலருக்கு அதிகரிக்கும் வாய்ப்பு உள்ளது. நிறுவனங்கள் அடிப்படை ஊதியத்தை குறைத்து Allowances அதிகப்படுத்தும் நடைமுறைக்கும் இது கட்டுப்பாடாக அமையும்.

பணியின் தன்மை காரணமாக நன்மை பெறுபவர்கள்

பல தொழில் துறைகளில் ஒப்பந்த ஊழியர்கள் ஒரு ஆண்டு கழித்து வேலை முடிவது சாதாரணமானது. இவர்கள் முன்பு 5 ஆண்டு நிபந்தனை காரணமாக கிராஜுவிட்டி பெற முடியவில்லை. ஆனால் புதிய மாற்றம் அவர்களின் சேவை நலன்களை பாதுகாக்கிறது.
கட்டுமானம், உற்பத்தி, ஐடி, போக்குவரத்து போன்ற துறைகளில் பணிபுரிபவர்கள் இதனால் அதிக நிம்மதி பெறுகின்றனர்.

புதிய விதிகளின் முக்கிய நோக்கம்

பணியாற்றிய ஒவ்வொரு ஊழியருக்கும் சட்டபூர்வமான சேவை நலன்களை வழங்குவதே இந்த மாற்றங்களின் நோக்கம். நிரந்தர ஊழியர்களுக்கு விதிகள் மாற்றாமல் தொடர, ஒப்பந்த ஊழியர்களுக்கு பாதுகாப்பு அளிப்பதே அரசின் நோக்கம் என நிபுணர்கள் கூறுகின்றனர்.

கிராஜுவிட்டி கணக்கிடும் முறை 

கிராஜுவிட்டி = (15 × கடைசி மாத சம்பளம் × பணியாண்டுகள்) / 26
புதிய ஊதிய வரையறையால் “சம்பளம்” உயர்ந்தால், கிராஜுவிட்டி தொகையும் அதிகரிக்கும்.

புதிய கிராஜுவிட்டி விதிகள் தொழிலாளர்களின் நலத்தை அதிகரிக்கும் வகையில் உருவாக்கப்பட்டுள்ளன. குறிப்பாக ஒப்பந்த ஊழியர்களுக்கு இது மிக பெரிய பாதுகாப்பாகி வருகிறது. நிரந்தர ஊழியர்களின் 5 ஆண்டு நிபந்தனை தொடர்ந்தாலும், கணக்கீட்டு முறையில் மறுசீரமைப்பு செய்யப்பட்டதால் எதிர்காலத்தில் கிடைக்கும் கிராஜுவிட்டி தொகை உயர வாய்ப்பு உள்ளது.

தேவையான உரிமைகளும் நலன்களும் உறுதிப்படுத்தப்படும் முன்னேற்றமான மாற்றங்களாக இது கவனம் பெறுகிறது.