2025-ல் இந்தியர்கள் கூகுளில் அதிகம் தேடியது என்ன? டாப்பில் உள்ள லிஸ்ட் உங்கையை ஆச்சரியப்படுத்தும்

இந்த ஆண்டு முடிவடைய இன்னும் சில நாட்களே உள்ளது. 2025 முழுவதும் பல அதிர்ச்சிகளும் மாற்றங்களும் நடந்தன. உலக அரசியல், தங்கம் விலை மாற்றம், இயற்கை பேரழிவுகள், விளையாட்டு வெற்றிகள், பிரபலங்களின் மறைவு போன்ற செய்திகள் வலுவாக பேசப்பட்டன. எனினும், இந்தியர்கள் உண்மையில் எந்த விஷயங்களை அதிகமாக கவனித்தார்கள் என்பதை கூகுள் தேடல் பட்டியல் தெளிவாக காட்டுகிறது. அந்த பட்டியல் தற்போது அனைவரையும் ஆச்சரியத்தில் ஆழ்த்துகிறது.

AI மீதான மோகத்தில் இந்தியர்கள்

இந்த வருடம் இந்தியர்களின் தேடல்களில் முதல் இடத்தில் Google Gemini இருக்கிறது. ஏஐ தொழில்நுட்பம் மக்களை கவர்ந்தது திண்ணம். ஜெமினி ஏஐ, சாட் ஜிபிடி, ஏஐ போட்டோ, கிப்ளி ஆர்ட் படம் போன்றவை பெருமளவில் தேடப்பட்டன. மக்கள் புதிய தொழில்நுட்பத்தை ஏற்றுக்கொண்டு பயன்படுத்த துடித்தனர். எதிர்காலத்தின் வாய்ப்புகளை கண்டறிய முயற்சித்தனர்.

கிரிக்கெட் மீதான பற்று தொடர்கிறது

அடுத்த இடத்தில் இந்தியர்களின் பிரியமான விளையாட்டு கிரிக்கெட். இந்த ஆண்டும் ஐபிஎல் அதிகமாக தேடப்பட்டது. வைபவ் சூர்யவன்ஷி போன்ற புதிய வீரர்கள் முதல், தோனி 2026-ல் விளையாடுவாரா? என்ற கேள்வி வரை ரசிகர்கள் தேடினர்.
மேலும், பெங்களூரு அணி கோப்பை வென்ற வெற்றி, இந்திய மகளிர் அணியின் உலகக்கோப்பை வெற்றி போன்ற தலைப்புகள் அதிகமாக தேடப்பட்டன.

பிரபல நிகழ்ச்சிகள் பார்வையாளர்களை கவர்ந்தது

உலக அளவில் அதிரடி காட்டிய Squid Game சீரிஸ் மற்றும் இந்தியாவில் அதிரடியான Bigg Boss நிகழ்ச்சி கூகுள் டிரெண்ட்ஸில் முன்னணி இடம் பிடித்தன.

உணவுகளின் தேடல் – இட்லி டாப்பில்

இந்தியர்கள் அதிகமாக தேடிய உணவு இட்லி. தென்னிந்தியர்களுக்கான கிண்டல்கள், மும்மொழி கொள்கை விவகாரம் போன்ற காரணங்களால் இதை பற்றி மக்கள் ஆர்வமாக தேடியிருக்கலாம்.
தினசரி சாப்பாட்டை உலகமே பாராட்டும் விதமாக தேடல்கள் அதிகரித்தன.

எதிர்பாராத தேடல் – Porn Star Martini

அடுத்ததாக அதிகம் தேடப்பட்ட உணவுப் பொருள் Porn Star Martini என்ற காக்டெயில். வெண்ணிலா சுவையில், ஷாம்பெயினுடன் பரிமாறப்படும் இந்த டிரிங்க் தேடல் பட்டியலில் இரண்டாவது இடத்தில் உள்ளது. இதை பலர் பார்த்து ஆச்சரியப்பட்டனர்.

பாரம்பரிய உணவுகளின் மீது அன்பு

பட்டியலின் அடுத்த இடங்களில்

• உகாடிச்சே மோடக் (நம்ம ஊர் கொழுக்கட்டை)
• உகாதி பச்சடி
• திருவாதிரை களி
• தேக்குவா இனிப்பு

இவை அனைத்தும் இந்திய பாரம்பரியத்தின் வளத்தை காட்டுகின்றன. வெல்லம், கோதுமை, தேங்காய், நெய், ஏலக்காய் போன்ற ஆரோக்கிய பொருட்கள் கொண்ட உணவுகள் மக்கள் விருப்பத்தை பெற்றன.

ஆரோக்கிய தேடல் – பீட்ரூட் கஞ்சி

ஆரோக்கிய உணவுகளில் பீட்ரூட் கஞ்சி அதிகம் தேடப்பட்டது. பீட்ரூட், கேரட் மற்றும் மசாலாவால் தயாரிக்கும் இந்த உணவு 6வது இடத்தில் உள்ளது.

2025 தேடல் பட்டியலின் தெளிவான முடிவு

இந்த பட்டியல் ஒரு முக்கியமான செய்தியை தெரிவிக்கிறது:

• இந்தியர்கள் தொழில்நுட்ப முன்னேற்றத்தை விரும்புகிறார்கள்
• அவர்கள் கிரிக்கெட்டை கொண்டாடுகிறார்கள்
• மேலும் பாரம்பரிய உணவுகளை பாதுகாத்து ரசிக்கிறார்கள்

தேடல்கள் மட்டும் அல்ல, மக்கள் மனதை பிரதிபலிக்கும் கண்ணாடிதான் இந்த கூகுள் பட்டியல்.

2025-ல் இந்தியர்களின் தேடல்கள், அவர்களின் சிந்தனை, விருப்பம், உணர்வு ஆகிய அனைத்தையும் அழகாக காட்டுகின்றன. தொழில்நுட்பம், விளையாட்டு, கலாசாரம், உணவு என பல துறைகளில் முன்னேற்ற நினைப்பும் ஆர்வமும் தொடர்ந்து வளர்ந்து வருகிறது.