CISF யார்? திருப்பரங்குன்றம் விவகாரத்தில் அவர்களின் பங்கு என்ன?

Table of Contents

சென்னை: மதுரை திருப்பரங்குன்றம் தீபத்தூண் விவகாரத்தில் CISF படை திடீரென வந்து செயல்பட்டது குறித்து விவாதம் வெடித்துள்ளது. இந்த விவகாரத்தில் தமிழக அரசு, உயர்நீதிமன்ற உத்தரவு சரியானது இல்லை என்று மேல்முறையீட்டில் வாதம் முன்வைத்துள்ளது. அதனால், பொதுமக்கள் மனதில் ஒரு பெரிய கேள்வி எழுந்துள்ளது. அது என்ன CISF? இவர்களின் உண்மையான அதிகாரம் மற்றும் பணி என்ன?

அவ்வாறு எழுந்த சந்தேகங்களுக்கு கீழே முழுமையான விளக்கம்.

CISF என்றால் என்ன?

CISF – Central Industrial Security Force என்பது மத்திய தொழில் பாதுகாப்புப் படை என்று அழைக்கப்படும் துணை ராணுவப்படை ஆகும். இது இந்திய மத்திய உள்துறை அமைச்சக கட்டுப்பாட்டில் செயல்படுகிறது.
1969 ஆம் ஆண்டு பாராளுமன்றச் சட்டத்தின் மூலம் உருவாக்கப்பட்ட இந்தப் படை ஆரம்பத்தில் பொதுத்துறை தொழிற்சாலைகளுக்கு பாதுகாப்பு அளிப்பதே நோக்கமாக இருந்தது.

அதன் பின் அதிகார வரம்பும் பொறுப்புச் செயல்பாடுகளும் பெரிதும் விரிவடைந்தன.

CISF படையின் முக்கிய பணிகள்

CISF-இன் முதன்மை வேலை, தேசத்திற்குப் பொருளாதாரம் மற்றும் பாதுகாப்பு முக்கியத்துவம் வாய்ந்த இடங்களுக்கு பாதுகாப்பு வழங்குவது.
வழக்கமான காவல்துறையிலிருந்து மாறுபட்டவர்கள் என்பதால், அதிக அபாயம் உள்ள பகுதிகளில், நிபுணத்துவமாக பாதுகாப்பு வழங்கும் திறனுடையவர்கள்.

அவர்கள் பாதுகாப்பு அளிக்கும் முக்கிய துறைகள்

ஸ்டீல் ஆலைகள்
எண்ணெய் சுத்திகரிப்பு நிலையங்கள்
அனல் மின்நிலையங்கள் மற்றும் நீர் மின்நிலையங்கள்
அணுமின் நிலையங்கள்
இஸ்ரோ விண்வெளி ஆய்வகங்கள்
நிலக்கரி சுரங்கங்கள் மற்றும் எண்ணெய் வயல்கள்
நாணய அச்சு நிலையங்கள்

விமான நிலையங்கள் மற்றும் நினைவுச்சின்னங்கள்

1999 கந்தஹார் விமான கடத்தல் சம்பவத்திற்குப் பிறகு இந்தியாவின் அனைத்து சிவில் விமான நிலையங்களும் CISF பாதுகாப்பில் வந்தன.
அதனால், விமான நிலையங்களில்:

பயணிகள் சோதனை
லக்கேஜ் செக்
சட்டம் ஒழுங்கு பராமரிப்பு

இவற்றை CISF தானே மேற்கொள்கிறது.

மேலும்,
தாஜ்மஹால், செங்கோட்டை போன்ற உலக பாரம்பரியம் வாய்ந்த இடங்களுக்கும் பாதுகாப்பு அளிக்கிறது.

2023ல் பாராளுமன்றத்தில் ஏற்பாடான பாதுகாப்பு சர்ச்சைக்கு பிறகு, முக்கிய அரசு கட்டடங்களிலும் பாதுகாப்பு பணிகள் விரிவாக்கப்பட்டன.

தனிநபர் பாதுகாப்பும் CISF பொறுப்பு

பொதுத்துறை நிறுவனங்களில் மிகவும் முக்கியப் பதவிகளில் இருப்போருக்கு தனிப்பட்ட பாதுகாப்பையும் CISF வழங்குகிறது.

திருப்பரங்குன்றம் விவகாரம் – என்ன நடந்தது?

மதுரை திருப்பரங்குன்றம் கோயிலில் உள்ள தீபத்தூண் உச்சியில் தீபம் ஏற்ற முயற்சிக்கையில் சிக்கல் உருவானது.
இதனைப் பார்க்க மதுரை ஐகோர்ட் நீதிபதி சுவாமிநாதன், CISF பாதுகாப்போடு தீபம் ஏற்ற வேண்டும் என்று உத்தரவிட்டார்.

இதற்கு எதிராக, தமிழக அரசு மேல்முறையீடு செய்தது.
அதில்,

CISF படைகள் சட்டம் ஒழுங்கை கையில் எடுக்க முடியாது

என்று தெளிவாக வாதித்தனர்.
ஏனெனில், சட்டம் ஒழுங்கு பராமரிப்பு அதிகாரம் மாநில காவல்துறைக்கு மட்டுமே உள்ளது.

2015 முதல் சென்னை ஐகோர்ட்டுக்கு CISF பாதுகாப்பு வழங்கப்பட்டது.
பின்னர் அது மதுரை அமர்விற்கும் நீட்டிக்கப்பட்டது.
அதன்படி அங்கு பணியில் இருந்த CISF வீரர்களைத் தான், திருப்பரங்குன்றம் அழைத்து சென்று தீபம் ஏற்ற உத்தரவு கூறப்பட்டது.

CISF என்பது இந்தியாவின் முக்கியமான பாதுகாப்பு அமைப்பு.
ஆனால், சட்டம் ஒழுங்கு நடவடிக்கைகளை மேற்கொள்ள அதன் அதிகாரம் இல்லை.
அதுதான் திருப்பரங்குன்றம் விவகாரத்தில் தமிழக அரசு வலியுறுத்திய மையப் புள்ளி.