கரூர்:
கரூரில் நடிகர் விஜய் நடத்திய பிரசார கூட்டத்தில் ஏற்பட்ட நெரிசலில் 41 பேர் உயிரிழந்தது தமிழகத்தை உலுக்கிய சம்பவமாக மாறியுள்ளது. இந்த நிகழ்வை தொடர்ந்து, சமூக வலைதளங்களில் தவறான தகவல்களைப் பரப்பி, பொது அமைதிக்கு பங்கம் விளைவிக்க முயற்சிப்பவர்கள் மீது போலீசார் கடும் நடவடிக்கை எடுத்து வருகின்றனர்.
இந்த நிலையில், தமிழக அரசை குறிவைத்து அவதூறு கருத்துக்களை பதிவிட்டதாகக் கூறப்படும் மதுரையைச் சேர்ந்த யூடியூபர் மாரிதாஸ் மீது போலீசார் வழக்குப் பதிவு செய்தனர். இன்று (அக்டோபர் 4) காலை மதுரை கோமதிபுரத்தில் உள்ள அவரது வீட்டில் போலீசார் சோதனை நடத்தினர். ஆனால் அப்போது அவர் இல்லாததால், அதிகாரிகள் தேடுதல் நடவடிக்கையை விரிவுபடுத்தினர்.
பின்னர் சென்னை நீலாங்கரையில் உள்ள மாரிதாஸின் வீட்டிற்கு சென்ற சைபர் க்ரைம் போலீசார், அங்கிருந்த அவரை கைது செய்தனர். கைது செய்யப்பட்ட அவரை போலீசார் தற்போது விசாரணைக்கு உட்படுத்தி வருகின்றனர்.
கரூர் கூட்ட நெரிசல் தொடர்பான வதந்திகள் மற்றும் தவறான தகவல்களை பரப்புவோருக்கு எதிராக தொடர்ச்சியான நடவடிக்கை மேற்கொள்ளப்படும் என போலீசார் எச்சரிக்கை விடுத்துள்ளனர்.
Have any thoughts?
Share your reaction or leave a quick response — we’d love to hear what you think!
-
0
-
0
-
0
-
0
-
0
-
0
